AQShda arilarning yettita turi xavf ostidagi jonivorlar federal ro‘yxatiga kiritildi, deb yozadi “Interfaks”. Bunda gap ilgari Gavayida juda ko‘p uchragan prozopidlar yoki yalang‘och arilar haqida bormoqda.
Endilikda esa, tadqiqotlar ko‘rsatishicha, sariq-oq rangli boshi bilan ajralib turuvchi yalang‘och arilar yo‘qolib ketishi mumkin. Bu ularning tabiiy yashash makoni xavf ostida qolgani bilan bog‘liq. Bu xususan, o‘rmon yong‘inlari hamda ushbu arilar yashaydigan sharoitga xos bo‘lmagan o‘simlik va hasharot turlari paydo bo‘lishi tufayli kuzatilmoqda.
Arilar bilan bog‘liq vaziyat nafaqat ekologlarda, balki iqtisodchilarda ham tashvish uyg‘otmoqda: ushbu hasharotlar qishloq xo‘jaligida muhim rol o‘ynaydi.
Yalang‘och arilar o‘z vatani — Gavayida mahalliy o‘simliklarni, jumladan, qirilib ketish xavfi ostidagi flora vakillarini changlantirishda juda muhim rol o‘ynasa-da, ular dunyoning boshqa mintaqalarida ham yashaydi.
Izoh (0)