Professional boksning superog‘ir vazn toifasida WBO va WBA yo‘nalishlari chempioni Tayson Fyuri doping tekshiruvidan o‘ta olmadi, deb yozdi “Olamsport”.
Britaniyalik 28 yoshli bokschi 22-sentabr kuni Angliyaning Lankester shahrida tekshiruvdan o‘tdi. Uning qon tarkibida kokain borligi aniqlandi. Tabiiyki, kokain taqiqlangan moddalar qatoriga kiritilgan.
Katta ehtimol bilan Tayson Fyuri qo‘lga kiritgan barcha chempionlik kamarlaridan ayriladi. Avvalroq u ukrainalik Vladimir Klichkoga qarshi o‘tishi kerak bo‘lgan revansh jangini ketma-ket ikkinchi bor bekor qilgandi.
Izoh (0)