Sochida “Olimpiada soati” o‘rnida 2018-yili Rossiyada o‘tadigan futbol bo‘yicha jahon chempionatigacha qolgan kun, soat va daqiqalarni teskari tartibda hisoblaydigan xronometr o‘rnatildi. Bu haqda “TASS” xabar bermoqda.
Oldinroq shunday soatlar Moskva va Sankt-Peterburgda ishga tushirilgandi.
“2011-yil may oyida, Sochi dengiz vokzali oldidagi xiyobonda Olimpiada boshlanishiga qolgan ming kunni sanaydigan soatni ishga tushirgandik. Endi bo‘lsa bizda 2018-yili bo‘lib o‘tadigan sayyoraning asosiy futbol bayramigacha qolgan vaqtni hisoblaymiz. Olimpiada poytaxti bo‘lgan Sochi o‘yinlar yuqori saviyada o‘tishi va bunday chempionatlar tarixidagi eng a’losi bo‘lib qolishi uchun bor imkoniyatini ishga soladi”, — va’da berdi shahar meri Anatoliy Paxomov.
Ma’lumot uchun, futbol bo‘yicha 2018-yilgi jahon chempionati Rossiyaning 11 shahri, shu jumladan, Sochida bo‘lib o‘tadi. Shaharda guruh bosqichining to‘rtta o‘yini, shuningdek, 1/8 va 1/4 final uchrashuvlari o‘tkazilishi ko‘zda tutilgan.
Izoh (0)