Afg‘oniston prezidenti Ashraf G‘ani mamlakatdagi yirik qurolli muxolifat guruhlaridan biri — Gulbiddin Hikmatyor boshchiligidagi Afg‘oniston Islom partiyasi bilan tinchlik kelishuvini imzoladi. Bu haqda “TASS” xabar bermoqda.
Tolo News telekanaliga ko‘ra, Pokiston hududida ekanligi taxmin qilinayotgan Hikmatyor 28-sentabr, chorshanba kuni kelishuvni imzolagan.
Uning dastlabki ko‘rinishi 22-sentabr kuni Kobulda o‘tkazilgan muzokaralarda tomonlar delegatsiyalari tarafidan ma’qullangan edi.
Ma’lumot uchun, 1993—1994-yillarda Afg‘oniston bosh vaziri lavozimini egallagan Gulbiddin Hikmatyor 2003-yilda AQSh ma’muriyati tomonidan terrorchilar ro‘yxatiga kiritilgan.
Uning qayerda ekanligi noma’lum, biroq G‘arb maxsus xizmatlari Hikmatyorning Pokistonda istiqomat qilishini taxmin etadi.
Izoh (0)