Xitoy hukumati Buyuk Xitoy devori bo‘laklarining biri yaqinida yuqori tezlikda harakatluvchi poyezdlar uchun mo‘ljallangan jahondagi eng chuqur va eng katta bekatni qurishni rejalashtirmoqda. Bu haqda “RBK” xabar berdi.
People's Daily nashrining aniqlik kiritishicha, Badalin bekati Pekindan 80 kilometr shimoli-g‘arbda, 102 metr chuqurlikda quriladi va u 35 ming kvadrat metr maydonni egallaydi (qariyb beshta futbol maydoniga teng hudud).
Bekat uch qavatli bo‘lishi, bekatga keluvchi va undan jo‘nab ketuvchi poyezdlar turli qavatlarga kelishi, undagi eskalatorlar balandligi 62 metrga yetishi kutilmoqda.
Yuqori tezlikda harakatlanuvchi poyezdlar uchun mo‘ljallangan bekat qurilishi 2019-yilda nihoyasiga yetkazilishi mo‘ljallangan.
Yangi inshoot “Pekin — Chjanszyakou” temiryo‘l yo‘nalishining bir qismiga aylanadi va sayyohlarning 2022-yili Xitoy poytaxtida bo‘lib o‘tadigan qishki Olimpiada davomida harakatlanishini ta’minlaydi.
Izoh (0)