Pokiston va Hindiston harbiy xizmatchilari o‘rtasida 29-sentabr, payshanba kuni tongda Kashmirda yuz bergan otishmada kamida ikki nafar pokistonlik harbiy halok bo‘ldi. Hindiston tomonining yo‘qotishlari haqida ma’lumot berilmagan, deya xabar qiladi “TASS”.
Hindiston manbalariga ko‘ra, Pokiston armiyasi o‘t ochishni to‘xatish tartibini buzgan hamda Jammu va Kashmirdagi Kupvara okrugida joylashgan nazorat liniyasida o‘q uzgan.
NDTV telekanali hind qo‘shinlari bunga nisbatan javob bergani, ayrim hududlarda otishmalar davom etayotganini ma’lum qildi.
O‘z navbatida, Pokistonning Geo-TV telekanali hind harbiylari Pokiston armiyasi marralariga o‘t ochgani, bunga qarshi choralar ko‘rilgandan keyingina otishma tinganini bildirmoqda.
Hindiston bosh vaziri Narendra Modi Kashmirdagi otishmalar munosabati bilan shoshilinch hukumat yig‘ilishini chaqirgan.
Izoh (0)