AQShda neftning tijoriy zaxiralari hafta mobaynida — 16—23-sentabr kunlari oralig‘ida — 1,9 million barrelga kamaydi va so‘nggi hisob-kitoblarga ko‘ra, jami 502,7 million barrelni tashkil etmoqda. Bu haqda mamlakat Energetika vazirligi ma’lum qildi, deya xabar beradi “TASS”.
Bloomberg agentligi tomonidan o‘tkazilgan so‘rov natijalari esa, aksincha, tahlilchilar zaxiralar hajmi 3 million barrelga ko‘payishini kutganini ko‘rsatdi.
AQSh neft zaxiralari hajmi haqidagi axborot e’lon qilinganidan so‘ng, neft narxining o‘sishi susaydi.
Xabar berishlaricha, London ICE birjasida noyabrda yetkazib beriladigan Brent turidagi neft narxi bir barreli uchun 46,6 dollarni tashkil etdi. Bir kun avval uning narxi 47 dollarga yetgan edi.
Izoh (0)