BMT bosh kotibi rasmiy vakili Stefan Dyujarrikning so‘zlariga ko‘ra, AQSh va Rossiyaning Suriya bo‘yicha hamkorligi mamlakatda jangovar harakatlarni to‘xtatish va mojaroni bartaraf etish uchun o‘ta zarur. Bu haqda “TASS” xabar bermoqda.
BMT vakili bu haqda Aleppodagi harbiy operatsiya davom ettirilgan taqdirda AQSh Suriya masalasida Rossiya bilan hamkorlikni to‘xtatishi haqidagi bayonotiga bergan izohida aytib o‘tdi.
“AQSh va Rossiyaning Suriyani qo‘llab-quvvatlash xalqaro guruhidagi o‘zaro yetakchiligi juda muhim. Ularning yetakchiligi jangovar harakatlarni to‘xtatish uchun hal qiluvchi ahamiyatga ega. Ikki davlat hamkorligining davom ettirilishi mojaroni bartaraf etishda o‘ta zarur”, — deya ta’kidladi Dyujarrik.
Izoh (0)