Yaponiya janubi-g‘arbidagi Kumamoto prefekturasida shu yil aprel oyida sodir bo‘lgan vayronkor zilzilalar tufayli ko‘rilgan zarar 3,7 trillion iyena (taxminan 37,5 milliard dollar)ni tashkil etdi. Bu haqda “TASS” xabar bermoqda.
Prefektura rasmiylariga ko‘ra, 2,3 trillion iyena (22,8 milliard dollar) hajmidagi asosiy zarar uy-joy fondiga yetkazilgan.
Tabiiy ofat oqibatida 8 mingdan ortiq uy to‘liq, 20 mingga yaqini esa qisman vayron bo‘ldi. 70 mingdan ortiq imoratda ayrim shikastlanishlar kuzatildi.
Kumamoto hududidagi korxona, zavod va sayyohlik infrastrukturasini tiklashga 820 milliard iyena (8,13 milliard dollar) ajratilishi lozim.
Yo‘llar va ko‘priklarga yetkazilgan ziyon 268 milliard iyena (2,65 milliard dollar)ga teng ekani aytilmoqda.
Izoh (0)