Томск (Россия) яқинида уч йўловчи лайнерлари экипажи 27 сентябрь, сешанба куни кечки пайт метеоритга ўхшаш ёрқин объектни кузатди. Бу ҳақда авиадиспетчерлик хизматларидаги манба маълум қилди, дея хабар бермоқда «Интерфакс».
«Корея, Хитой ва ‘Аэрофлот’ самолётлари экипажи тунги соат учлар атрофида самолётлар яқинида, айнан бир жойда, Томскдан тахминан 120 километр узоқликда кейинчалик бўлакларга бўлиниб кетган ёрқин нурланувчи нуқтани кузатган. Бироқ шошилинч хизматлар ҳодиса жойида ҳаво кемалари билан боғлиқ ҳолатлар қайд этилмаганини билдирди», — дея таъкидлади манба.
Дастлабки маълумотларга кўра, экипажлар Ер атмосферасига метеорит кириши ва кейинчалик ёниб кетишини кузатган бўлиши мумкин.
Изоҳ (0)