Seyshel orollari respublikasi prezidenti Jeyms Aliks Mishel iste’foga chiqishini ma’lum qildi. Bu haqda “TASS” xabar bermoqda.
16-oktabr kuni davlat rahbari lavozimini vitse-prezident Denni For egallaydi. Milliy televideniye orqali chiqishi chog‘ida Mishel 12 yillik prezidentlik faoliyatidan so‘ng hokimiyatni yangi yetakchiga topshirish vaqti kelganini bildirdi.
Prezidentning bayonoti mahalliy parlament — Milliy assambleya qasamyod keltirganidan keyin e’lon qilindi. Undagi ko‘pchilik o‘rinlar mamlakatda yaqinda bo‘lib o‘tgan saylovlardan so‘ng muxolifat qo‘liga o‘tgan edi.
Izoh (0)