Obama: bo‘lib o‘tgan munozaralar Tramp prezident bo‘lishga tayyor emasligini ko‘rsatdi

AQSh prezidenti lavozimiga nomzodlar o‘rtasida 26-sentabr, dushanba kuni bo‘lib o‘tgan telemunozaralarning birinchi davrasi respublikachi Donald Tramp Oq uyni boshqarish uchun na zarur tayyorgarlikka, na shijoatga ega ekanligini ko‘rsatdi. Bunday fikrni AQSh ma’muriyatining hozirgi rahbari Barak Obama bildirib o‘tdi, deb yozadi “TASS”.

U On Air radiodasturida ma’lum qilishicha, tadbirning borishini u Oq uyda televizor orqali kuzatgan. Amerika yetakchisining fikricha, munozaralar Tramp “mamlakatimizni olg‘a yetaklovchi tayyorgarlik , shijoat va tayanch qadriyatlarning hech biriga ega emasligi”ni ko‘rsatib berdi.

Trampning yadro quroli va global iqlim o‘zgarishi borasidagi nuqtai nazari, ayniqsa Obamani tashvishlantiradi. Uning fikriga ko‘ra, bu bunday odamni “yadro tugmasi yonida” tutish kerak emasligini yana bir bora tasdiqlaydi, xolos.