Jim Yon Kim bir ovozdan Jahon banki rahbari lavozimiga qayta saylandi, deb yozadi “TASS”.
Reuters ta’kidlashicha, uning navbatdagi besh yillik muddati 2017-yil 1-iyulda boshlanadi. AQSh moliya vazirligi uni Jahon banki rahbarligiga ikkinchi muddat uchun avgust oxirida ilgari surgan edi.
Jim Yon Kim 1959-yilda Seulda tug‘ilgan. Besh yoshida ota-onasi bilan AQShga ko‘chib o‘tib, Ayova shtatining Maskatin shahrida o‘sgan. 1982-yilda Braun universitetini tugatgan, falsafa va antropologiya bo‘yicha doktorlik darajalariga ega.
Jim Yon Kim Jahon banki rahbari lavozimiga 2012-yil 1-iyulda kirishgan. U Jahon bankining 12-prezidentidir.
Izoh (0)