Uch ota-onaning irsiy materialiga ega bo‘lgan dunyodagi birinchi bola Meksikada tug‘ildi, deya xabar bermoqda “RIA Novosti”.
Iordaniyalik er-xotin ularning farzandli bo‘lishiga yo‘l qo‘ymaydigan kamyob nasliy kasallik tufayli AQShlik olimlarga murojaat qildi.
Jon Chjan rahbarligidagi tadqiqotchilar yana bir donor ayolning genetik materialidan foydalanish texnologiyasini qo‘lladi. AQShda bunday operatsiyalar taqiqlangani tufayli, mutaxassislar Meksikadagi klinikalardan birida ish olib bordi.
Abrahim Hasan ismli bolakay besh oy avval dunyoga keldi. Ekspertlar uning tug‘ilishini inqilobiy deb atadi.
Nashr eslatishicha, 2015-yil fevralida Buyuk Britaniya uch ota-ona DNKsidan foydalanib sun’iy urug‘lantirish jarayoniga ruxsat bergan birinchi mamlakat bo‘ldi. Britaniyalik olimlar bunday tug‘ilish texnikasi mitoxondrial kasallikdan azob chekuvchi bemorlar uchun xavfsiz degan xulosaga kelgan edi.
Izoh (0)