Taniqli rossiyalik sayohatchi Fyodor Konyuxov aytishicha, uning stratosferaga havo sharidagi parvozi sutkalab davom etadi, 25 km balandlikka esa u sakkiz soat ichida chiqadi. Bu haqda “RIA Novosti” xabar berdi.
Avvalroq Konyuxov 2017-yilda stratosferada 25 km balandlikka ko‘tarilib, balandlik rekordini o‘rnatmoqchi ekanligini aytgan edi.
Sayohatchi stratosferaga parvoz uchun tayyorgarlik yaxshi ketayotganini, parvoz kelasi yilning sentabr-oktabrida amalga oshishini ma’lum qildi.
Uning so‘zlariga ko‘ra, havo shari “Sharqiy” kosmodromidan start oladi va Yoqutistonga qo‘nadi.
Eslatib o‘tamiz, avvalroq rossiyalik sayohatchi Fyodor Konyuxov havo sharida dunyo bo‘ylab sayohat bo‘yicha dunyo rekordini yangilagan, buning uchun unga 11 kun kerak bo‘lgan edi.
Izoh (0)