Демократлар партияси вакиллари бўлган Калифорния штатидан конгрессмен Тед Лью ва сенатор Эд Марки 27 сентябрь, чоршанба куни Конгрессга АҚШ биринчи бўлиб ядро зарбаси беришини тақиқловчи қонун лойиҳасини киритди. Бу ҳақда «ТАСС» хабар бермоқда.
«Ядро уруши инсониятнинг омон қолиши учун улкан хавф туғдиради. Ядро қуролини биринчи бўлиб қўллаш имконияти эса бу борадаги қарама-қаршиликни янада кучайтиради. АҚШ президенти бундай қуролдан фақат ядро ҳужумига жавобан фойдаланиши керак», — дея таъкидлади Эд Марки.
Тед Льюга кўра, «АҚШ асосчилари президент Конгресс рухсатисиз цивилизация учун хатарли қақшатқич зарба ёғдиришга буйруқ бериши мумкинлигини билганида ўзини қўярга жой тополмаган бўларди».
Қонун ижодкорлари биринчи бўлиб ядро зарбасини бериш аввало АҚШнинг ўзи йўқ бўлишига олиб келиши мумкин, деб ҳисобламоқда.
Изоҳ (0)