O‘zbekiston Ma’muriy javobgarlik to‘g‘risidagi Kodeksiga Yo‘l harakati qoidalariga muvofiq tarzda jihozlanmagan transport vositalarini boshqarganlik uchun jarimalar ko‘lamini kengaytirishni ko‘zda tutuvchi qo‘shimcha kiritildi. “Gazeta.uz” xabariga ko‘ra, O‘zbekiston Prezidenti vazifasini bajaruvchi Shavkat Mirziyoyev o‘zgartishlar kiritish to‘g‘risidagi Qonunga 23-sentabr kuni imzo chekkan, o‘zgarishlar 24-sentabrdan kuchga kirgan.
Kodeksning yangilangan 125-moddasiga muvofiq, o‘t o‘chirish moslamasi, tibbiyot qutisi, avariya to‘xtash belgisi va yorug‘lik qaytaruvchi nimcha hamda qonunchilikda belgilangan tartibda oynalarni sindirish uchun bolg‘acha bilan ta’minlanmagan transport vositasini boshqargan haydovchilar eng kam ish haqi (EKIH)ning yarim barobari (1-oktabrdan — 74 887,5 so‘m) miqdorida jarimaga tortiladi.
Bundan tashqari, motoshlemdan foydalanish talabiga rioya qilmaslik EKIHning 1/5 barobari (1-oktabrdan — 29955 so‘m) miqdoridagi jarimaga tortilishiga oid qoida endilikda nafaqat mototsikl, balki moped haydovchilari uchun ham taalluqlidir.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)