O‘zbekiston Ma’muriy javobgarlik to‘g‘risidagi kodeksiga yo‘l harakati qoidalarini buzgan piyodalar uchun jarimalarni ko‘zda tutuvchi qo‘shimcha kiritildi. “Gazeta.uz” xabariga ko‘ra, O‘zbekiston Prezidenti vazifasini bajaruvchi Shavkat Mirziyoyev o‘zgartishlar kiritish to‘g‘risidagi Qonunga 23-sentabr kuni imzo chekkan, o‘zgarishlar 24-sentabrdan kuchga kirgan.
Yangilangan 138-moddaga muvofiq, yo‘lning harakatdagi qismida, shu jumladan, piyodalar o‘tish yo‘lida telefondan foydalanish, kitob yoki davriy nashrlarni o‘qish, videomateriallar tomosha qilish yoki audiomateriallarni eshitish va diqqatni jalb qiladigan boshqa elektron vositalardan foydalanish eng kam ish haqi (EKIH)ning uchdan bir qismi (1-oktabrdan — 49 925 so‘m) miqdorida jarima belgilanishiga sabab bo‘ladi.
Bundan tashqari, yo‘lovchilarning harakatlanib ketayotgan transport vositasidan tana qismlarini (qo‘ldan tashqari) chiqargani uchun ham jarima miqdori belgilandi. Mazkur qoidabuzarlik EKIHning 1 barobari (1-oktabrdan 149 775 so‘m) miqdoridagi jarimaga sabab bo‘ladi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)