Bentley dunyodagi eng tezkor dizel yo‘ltanlamasni taqdim etdi

Bentley kompaniyasi Bentayga yo‘ltanlamasining dizelda harakatlanuvchi modifikatsiyasini taqdim etdi. Bu haqda Motor xabar bermoqda. 

Britaniyaliklar yangi model shunday dvigatelga ega dunyodagi eng tezkor yo‘ltanlamas bo‘lganini da’vo qilmoqda.

U Audi SQ7 yo‘ltanlamasida qo‘llangan va 435 ot kuchiga teng to‘rt litrli V8 dvigatel bilan jihozlangan bo‘lib, Bentayga odatda foydalanadigan W12 benzinli motoridan atigi 3 kilogramm og‘ir. 

Bentayga yangi versiyasi soatiga 100 kilometr tezlikka 4,8 soniyada (Audi SQ7 ga nisbatan 0,1 soniya tezroq) chiqadi.

Maksimal tezligi esa soatiga 270 kilometrga teng (Audi SQ7 da soatiga 250 kilometr).

Taqqoslash uchun, Bentley Bentayga benzinli modeli soatiga 100 kilometr tezlikka 4,1 soniyada chiqadi, maksimal tezligi esa soatiga 301 kilometrga teng.