Yangi Chevrolet Bolt EV shu yil boshida CES iste’mol elektronikasi ko‘rgazmasida taqdim etilgandi. Biroq uning narxi (37495 dollar) ishlab chiqaruvchi tomonidan endi oshkor etildi. Bu haqda “Kolyosa” xabar bermoqda.
Xaridor AQSh hukumatidan 7500 dollargacha bo‘lgan miqdordagi federal soliqdan ozod etilishi ko‘rinishidagi imtiyozga ega bo‘ladi. Bu esa elektromobil narxini 29995 dollargacha pasaytiradi.
Kanadada yangi avtomobil narxi 42795 Kanada dollarini tashkil etadi (yetkazib berilishi uchun yana 1600 dollar). Davlat dasturi doirasidagi chegirma 11361 dollardan iborat bo‘lishi mumkin. Bu esa uning narxini 31434 dollargacha kamaytirish imkonini beradi.
Shu tariqa, bir marta quvvatlantirilganda 383 kilometrgacha yuradigan, oddiy rozetkadan to‘yinadigan litiy-ionli akkumulyatorlar to‘plami bilan jihozlanadigan Chevrolet Bolt EV Shimoliy Amerika bozorida uzoq masofaga borishga qodir modellar orasida narxi eng qulay elektromobilga aylanmoqda.
Izoh (0)