Volkswagen kompaniyasi xodimi Jeyms Robert Lieng Detroytdagi sud majlisida “dizelgeyt” doirasida firibgarlikni tashkil etish maqsadida til biriktirganligini tan oldi, deb yozadi “Gazeta.ru”.
AQSh adliya vazirligi vakili so‘zlariga ko‘ra, muhandis, shuningdek, tergov bilan hamkorlik qilishga tayyorligini bildirgan.
Dastlabki ma’lumotlarga ko‘ra, Lieng ishlangan gazlarda zararli moddalar mavjudligi haqidagi haqiqiy ma’lumotlarni yashirish imkonini beruvchi dasturni ishlab chiqqanlardan biri bo‘lgan.
Muhandisga jinoiy til biriktirish va AQShning toza havo to‘g‘risidagi qonuni nizomlarini buzish ayblari qo‘yilgan edi.
Avvalroq Volkswagen AQShda dizel mojarosi bilan bog‘liq zararni qoplash tariqasida dilerlarga 1,2 milliarddan ortiq mablag‘ to‘lashga rozi bo‘lgani xabar berilgan edi.
Izoh (0)