Suriyalik ayol Turkiyaning Pegasus Airlines aviakompaniyasi samolyoti bortida farzandini dunyoga keltirdi. Istanbuldan Stokgolmga yo‘l olgan havo kemasi yo‘lovchilari ayolda to‘lg‘oq boshlangan payt vahimaga tushdi, deya xabar beradi The Hürriyet Daily News.
Bortdagi kutilmagan vaziyat samolyot Ukraina ustidan uchib o‘tayotganda yuz berdi. Ekipaj avvaliga majburiy qo‘nishni amalga oshirmoqchi bo‘ldi, biroq keyinchalik bundan voz kechildi.
Uch nafar bolasi bilan sayohat qilayotgan ayol samolyotning orqa qismiga o‘tkazildi. Uning to‘rtinchi farzandi dunyoga kelishiga bort-kuzatuvchilar, shuningdek, hamshiralikka o‘qigan yo‘lovchi ayol yordam berdi.
Tug‘ruq jarayoni ko‘ngildagidek o‘tdi. Stokgolmga kelgandan so‘ng ayol va chaqaloq mahalliy kasalxonaga yetkazildi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)