Суриялик аёл Туркиянинг Pegasus Airlines авиакомпанияси самолёти бортида фарзандини дунёга келтирди. Истанбулдан Стокгольмга йўл олган ҳаво кемаси йўловчилари аёлда тўлғоқ бошланган пайт ваҳимага тушди, дея хабар беради The Hürriyet Daily News.
Бортдаги кутилмаган вазият самолёт Украина устидан учиб ўтаётганда юз берди. Экипаж аввалига мажбурий қўнишни амалга оширмоқчи бўлди, бироқ кейинчалик бундан воз кечилди.
Уч нафар боласи билан саёҳат қилаётган аёл самолётнинг орқа қисмига ўтказилди. Унинг тўртинчи фарзанди дунёга келишига борт-кузатувчилар, шунингдек, ҳамшираликка ўқиган йўловчи аёл ёрдам берди.
Туғруқ жараёни кўнгилдагидек ўтди. Стокгольмга келгандан сўнг аёл ва чақалоқ маҳаллий касалхонага етказилди.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)