Rossiya va Eron Jenevada tez orada Suriyadagi tomonlar o‘rtasida muzokaralar o‘tkazilishini yoqladi

Rossiya va Eron Suriyada o‘t ochishni to‘xtatish tartibiga rioya etish hamda Jenevada tez orada Suriyadagi tomonlar o‘rtasida muzokaralar o‘tkazilishini yoqlaydi. Rossiya prezidentining Yaqin Sharq va Afrika davlatlari bo‘yicha maxsus vakili, tashqi ishlar vazirining o‘rinbosari Mixail Bogdanov hamda Eron tashqi ishlar vazirining o‘rinbosari Husayn Jobiriy-Ansoriy maslahatlashuvlarida shu haqda so‘z bordi, deya ma’lum qiladi “TASS”. 

“Maslahatlashuvlar chog‘ida Suriyadagi ayni paytdagi vaziyat, o‘t ochishni to‘xtatish, terrorchi guruhlarga qarshi kurash va gumanitar yordam yetkazishni yengillashtirishga qaratilgan Rossiya—Amerika kelishuvlarining amalga oshirilishi diqqat markazida bo‘ldi. BMT shafeligida Jenevada Suriyadagi tomonlar o‘rtasida muloqotni tezroq yo‘lga qo‘yish yuzasidan yakdil fikr bildirildi”, — deyiladi Rossiya TIV xabarida.