Россия ва Эрон Сурияда ўт очишни тўхтатиш тартибига риоя этиш ҳамда Женевада тез орада Суриядаги томонлар ўртасида музокаралар ўтказилишини ёқлайди. Россия президентининг Яқин Шарқ ва Африка давлатлари бўйича махсус вакили, ташқи ишлар вазирининг ўринбосари Михаил Богданов ҳамда Эрон ташқи ишлар вазирининг ўринбосари Ҳусайн Жобирий-Ансорий маслаҳатлашувларида шу ҳақда сўз борди, дея маълум қилади «ТАСС».
«Маслаҳатлашувлар чоғида Суриядаги айни пайтдаги вазият, ўт очишни тўхтатиш, террорчи гуруҳларга қарши кураш ва гуманитар ёрдам етказишни енгиллаштиришга қаратилган Россия—Америка келишувларининг амалга оширилиши диққат марказида бўлди. БМТ шафелигида Женевада Суриядаги томонлар ўртасида мулоқотни тезроқ йўлга қўйиш юзасидан якдил фикр билдирилди», — дейилади Россия ТИВ хабарида.
Изоҳ (0)