Amerika fuqarolik erkinliklari ittifoqi (ACLU) AQSh Milliy xavfsizlik agentligi sobiq xodimi Edvard Snoudenni afv etish haqidagi petitsiya uchun imzo yig‘ish bo‘yicha kampaniya boshladi, deya xabar bermoqda “RBK”.
Aktivistlar bayonotida aytilishicha, Amerika hukumati Snoudenni josuslik haqidagi akt doirasida ayblagan, u esa Birinchi jahon urushi davrida qonuniy tarzda qabul qilingan bo‘lib, sirlarni chet davlatlarga sotish va ularni jamoatchilik manfaatlarini himoya qiluvchi jurnalistlarga topshirish o‘rtasidagi farqlarni keltirib o‘tmaydi.
Aktivistlar ta’kidlashicha, petitsiya joylangan portal 2017-yil yanvarida Obama ma’muriyatining ish muddati tugaguniga qadar ishlaydi. Afv haqidagi arznomaga biznesmen Jorj Soros, Apple korporatsiyasi asoschilaridan biri Stiv Voznyak, Vikipediya asoschisi Jimmi Ueyls, britaniyalik aktyor Deniyel Redklif va boshqalar imzo qo‘yib bo‘ldi.
Edvard Snoudenni afv etish haqidagi kampaniya AQShning amaldagi prezidenti Barak Obamaga qaratilgan bo‘lib, saylovoldi kampaniyasi yakuniy bosqichga chiqishi fonida boshlandi. U Obamaning prezidentlik muddati tugaganidan keyin ham davom ettirilish-ettirilmasligiga aktivistlar aniqlik kiritmadi.
Izoh (0)