BMT bosh kotibi Pan Gi Mun Rossiya va AQShni Suriyada nizo tomonlarining aholiga gumanitar yordamni yetkazib berish borasida hamkorlikka kelishiga erishishga chaqirdi, deb yozadi “TASS”.
BMT bosh qarorgohidagi matbuot anjumanida nutq so‘zlayotib, Pan Gi Mun gumanitar ko‘mak ortilgan yuk mashinalari xavfsizlik kafolatini kutib, Turkiya-Suriya chegarasida turganini aytdi.
“Xavfsizlik borasida front chizig‘ini bosib o‘tish imkonini beruvchi kelishuvga erishish juda muhim. Men Rossiya hukumatini Suriya ma’murlariga ta’sir o‘tkazishga, Amerika tomonini esa qurolli guruhlar to‘liq hamkorlik qilishiga erishishga chaqirdim”, — dedi bosh kotib.
Izoh (0)