Braziliya prokuraturasi mamlakat sobiq prezidenti Luis Ignasio Lula da Silvaga Petrobras davlat neft kompaniyasidagi korrupsiya haqidagi ish bo‘yicha ayblov e’lon qildi, deb yozadi “RBK”. Ayblovlar uning rafiqasiga nisbatan ham ilgari surilgan.
Yaqin soatlar ichida prokuratura ushbu ish tafsilotlarini maxsus matbuot anjumanida taqdim etadi.
Petrobras kompaniyasidagi korrupsiya haqidagi ishni 2014-yilda tergov qilishni boshlashgan. Bundan avval, 2013-yilda Petrobras’ning qayta ishlash va sotish bo‘yicha bo‘linmasi direktori Paulo Roberto Koshta va uning sherigi Alberto Yussef hibsga olingan edi. Yussef valyuta ayirboshlash bo‘yicha kontorani boshqargan va mablag‘larni yuvishni tashkillashtirishda gumonlangan. Tergov bilan bitimga kelib, Koshta Petrobras’dagi korrupsiya sxemalari haqida gapirib berdi.
Shu yilning mart oyida Lula da Silva ushbu ishni tergov qilish doirasida so‘roq qilindi.
Izoh (0)