БМТ бош котиби Пан Ги Мун Россия ва АҚШни Сурияда низо томонларининг аҳолига гуманитар ёрдамни етказиб бериш борасида ҳамкорликка келишига эришишга чақирди, деб ёзади «ТАСС».
БМТ бош қароргоҳидаги матбуот анжуманида нутқ сўзлаётиб, Пан Ги Мун гуманитар кўмак ортилган юк машиналари хавфсизлик кафолатини кутиб, Туркия-Сурия чегарасида турганини айтди.
«Хавфсизлик борасида фронт чизиғини босиб ўтиш имконини берувчи келишувга эришиш жуда муҳим. Мен Россия ҳукуматини Сурия маъмурларига таъсир ўтказишга, Америка томонини эса қуролли гуруҳлар тўлиқ ҳамкорлик қилишига эришишга чақирдим», — деди бош котиб.
Изоҳ (0)