Qirg‘iziston hukumatida bosh vazir o‘rinbosari Gulmira Xudoyberdiyeva boshchiligida Moskvadagi yong‘inda halok bo‘lganlar yaqinlariga yordam berish bo‘yicha shtab tuzildi. Prezident Almazbek Atambayev ko‘rsatmasiga muvofiq qurbonlarning jasadini vataniga yetkazish uchun maxsus samolyot ajratildi. Bu haqda hukumat matbuot xizmatiga tayanib, “TASS” xabar bermoqda.
28-avgust, yakshanba kuni Xudoyberdiyeva boshchiligidagi hukumat ishchi guruhi Moskvaga yo‘l oldi. Guruh tarkibiga mamlakat favqulodda vaziyatlar vaziri, sog‘liqni saqlash vazirligi, davlat migratsiya xizmati vakillari, shifokorlar va psixologlar kirgan.
Matbuot xizmatiga ko‘ra, halok bo‘lganlarning jasadini Qirg‘izistonga olib kelish xarajatlari bo‘yicha barcha masalalar hukumat tomonidan hal etiladi.
Eslatib o‘tamiz, 29-avgust Qirg‘izistonda motam kuni deb e’lon qilindi.
Izoh (0)