AQShning Alabama shtatida 14-avgust, yakshanba kuni ikki motorli Piper PA-31 samolyotining qulashi oqibatida olti kishi halok bo‘ldi. Bu haqda WVTM telekanaliga tayanib, “TASS” xabar bermoqda.
Aviahalokat Nortport shahridagi aeroport yaqinida sodir bo‘ldi. Havo kemasi yaqin atrofdagi fermerlik bozoridagi daraxtlarga urildi.
Xabarda qayd etilishicha, Piper PA-31 samolyoti Kissimmi (Florida shtati)dan Oksford (Missisipi shtati)ga yo‘l olayotgan edi. Uchish vaqtida dvigatelda mammolar paydo bo‘ldi va uchuvchi bu haqda dispetcherlarga ma’lum qildi.
Qutqaruv xizmati xodimlari aerodromning yaqinligi tufayli samolyot qulagan joyga tezlik bilan yetib kelgan.
Izoh (0)