Rossiya Xanchjou (Sharqiy Xitoy, Chjeszyan provinsiyasi)dagi G20 sammitida muhim konstruktiv rolga ega. Bu haqda Xitoy Xalq Respublikasi tashqi ishlar vaziri o‘rinbosari Li Baodun jurnalistlarga ma’lum qildi, deb yozadi “TASS”.
“Rossiya G20’ning muhim ishtirokchisi hisoblanadi. Ushbu yillar davomida u muhim konstruktiv rolni o‘ynab keldi, — dedi u. — Bu yil Xanchjouda biz yaqin hamkorlik va muvofiqlikni saqlab qolamiz. Rossiya prezidenti Vladimir Putin Xanchjoudagi sammitda qatnashadi, degan umiddamiz”.
Xitoy tashqi ishlar vaziri o‘rinbosari ta’kidlashicha, mamlakat raisi Si Szinpin va Vladimir Putin turli tadbirlarda uchrashadi. Uning so‘zlariga ko‘ra, ayni paytda ikki mamlakat yetakchilarining sammit doirasidagi uchrashuvlari tafsilotlari ishlab chiqilmoqda.
Izoh (0)