Rossiyaning Krasnoyarsk o‘lkasida ota-ona ikki farzandi bilan ko‘lda qayiqda suzayotgan paytida cho‘kib ketdi, deya xabar bermoqda “TASS” ichki ishlar vazirligining hududiy bo‘limiga tayanib.
“Nijneingashskiy tumanida Shchuchye ko‘lida motorli qayiq ag‘darilishi natijasida bir oila cho‘kib ketdi. 1987-yilda tug‘ilgan erkak, 1986-yilda tug‘ilgan ayol, shuningdek, 2008- va 2009-yillarda tug‘ilgan ikki bola halok bo‘ldi”, — deyiladi muassasa xabarida.
Politsiya ma’lumotlariga ko‘ra, ular suv havzasi sohilida hordiq chiqarayotgan bo‘lgan. Erkak oilasini o‘z tanishidan ijaraga olingan qayiqda sayr qildirgan, ammo uni boshqara olmay qolgan. Motorli qayiq ag‘darilib ketgan. Jasadlar topilgani yo‘q, g‘avvoslar ko‘lning tubini tekshirib chiqmoqda.
Izoh (0)