Islom hamkorlik tashkiloti (IHT) bosh kotibi Iyad bin Amin Madaniy Rossiya tashqi ishlar vaziri Sergey Lavrovga maktub yo‘llab, Suriya hududidagi vaziyat yomonlashishi yuzasidan kuchli xavotir bildirdi. Bu haqda tashkilot matbuot xizmatiga tayanib, “TASS” xabar berdi.
Madaniy IHT “Suriya xalqi azoblariga nuqta qo‘yish uchun, mamlakatdagi inqirozni tartibga solish bo‘yicha shoshilinch va mos siyosiy yechim qidirish borasida kelishilgan diplomatik harakatlar”ni yoqlab chiqishini qayd etdi.
Aleppoda jangovar harakatlar chog‘ida har kuni uch soatlik tanaffuslar belgilangan. Mahalliy vaqt bilan 10:00 dan 13:00 gacha (Toshkent vaqti bilan 12:00 dan 15:00 gacha) bo‘lgan tanaffus oziq-ovqat va dori-darmon ortilgan kolonnalar Aleppo ichkarisiga kirishi uchun zarurdir.
Izoh (0)