O‘zbekiston futzal terma jamoasi Olmaota shahrida bo‘lib o‘tgan Qozog‘iston termasiga qarshi takroriy o‘yinda ham imkoniyatni boy berdi.
700 nafar muxlis ko‘z o‘ngida kechgan o‘yin qozog‘istonliklar g‘alabasi bilan yakuniga yetdi, deb xabar berdi O‘zbekiston Futzal Assotsiatsiyasi rasmiy sayti.
Uchrashuvning 3 va 4-daqiqasida o‘zbekistonliklardan Artur Yunusov va Dilshod Irsaliyev 2 ta tezkor gol urishga muvaffaq bo‘ldi. O‘yin yakuniga qadar Qozog‘iston terma jamoasi futzalchilari O‘zbekistonning har bitta goliga ikki martadan javob qaytardi.
Tomonlarning 9-avgust kuni bo‘lib o‘tgan birinchi o‘yinida Qozog‘iston terma jamoasi 6:1 hisobida zafar quchgandi.
O‘rtoqlik uchrashuvi Olma-ota shahri 10-avgust, chorshanba
Qozog‘iston — O‘zbekiston 4:2
Gollar: Artur Yunusov, 3 (0:1). Dilshod Irsaliyev, 4 (0:2). Everton, 18 (1:2). Leo, 26-pen (2:2). Serik Jamankulov, 37 (3:2). Duglas, 40 (4:2).Qozog‘iston: Igita, Grigoriy Shamro, Aleksandr Gurov — Arnold Knaub, Aleksandr Grebonos, Serik Jamankulov, Leo, Nikolay Pengrin, Dinmuhambet Suleymenov, Aleksandr Dovgan, Mixail Pershin, Ilya Mun, Pavel Taku, Anton Rindin, Dauren Nurgojin, Duglas, Everton.
O‘zbekiston: Rustam Umarov, Akmal Xazratqulov — Javlon Anorov, Farhod Abdumavlonov, Artur Yunusov, Davron Choriyev, Konstantin Sviridov, Dilshod Rahmatov, Andrey Shlema, Feruz Faxriddinov, Jamoliddin Sharipov, Dilshod Irsaliyev, Mashrab Odilov, Nodir Eliboyev, Tohir Abdurazzoqov.
Izoh (0)