Madridning “Real” klubi hujumchisi Krishtianu Ronaldu Portugaliyaning Atlantika okeanidagi Madeyra orolida tabiiy yong‘inlardan jabrlanganlarga ko‘mak berishini ma’lum qildi, deb yozadi “Chempionat”.
Hodisa oqibatida to‘rt kishi halok bo‘ldi. Yong‘inlar orolning asosiy shahri, Ronaldu tug‘ilgan Funshaluga yaqin keldi.
O‘yinchi bu borada mintaqa prezidenti Migel Albukerka bilan suhbatlashdi va moliyaviy ko‘mak taklif qildi. Hozircha gap qanday miqdordagi mablag‘ haqida borayotgani noma’lum.
“Madeyrada bo‘layotgan hodisalardan qayg‘udaman. Hammaga katta kuch tilab qolaman. Boshqalarni qutqarish uchun o‘z hayotini tahlikaga qo‘yayotgan o‘t o‘chiruvchilarga rahmat. Men sizlar bilan birgaman!” — deb yozdi futbolchi Instagram sahifasida.
Izoh (0)