Ruminiyaning Yalomitsa uyezdida 79 yoshli ayol chivin chaqishi tufayli yuqadigan G‘arbiy Nil bezgagidan vafot etdi. Infeksiya tasdiqlanganidan so‘ng uyezdda donorlik qoni yig‘ishtirilishiga cheklov o‘rnatildi, deya xabar beradi “TASS”.
“Bemor 28-iyulda kasalxonaga kompleks patologiya bilan yotqizildi va oradan bir necha kun o‘tib vafot etdi. Virus chaqirgan meningit qariya aziyat chekkan boshqa xastaliklar bilan birgalikda organizm infeksiyaga qarshi turolmasligiga olib keldi. Gap jiddiy vaziyat haqida ketmayapti va aholida tashvishlanish uchun asos yo‘q”, — deya ta’kidladi sog‘liqni saqlash vazirligi vakili Laurensiu Kolintinyanu.
Ruminiyada oxirgi bor G‘arbiy Nil bezgagi virusini yuqtirish holati 2015-yil oktabrida qayd etilgan, o‘shanda Buzeu uyezdida ikki kishi kasalxonaga yotqizilgandi.
Izoh (0)