Gruziyaning Ushba tog‘i cho‘qqisiga ko‘tarilish chog‘ida to‘rt nafar chet ellik alpinist halok bo‘ldi. Bu haqda mamlakatning Mestiya tumani favqulodda vaziyatlar xizmatiga tayanib, “Gazeta.ru” xabar bermoqda.
“Halok bo‘lganlarning jasadi ayni paytda tuman markazida bo‘lib, ularning shaxsini aniqlash davom etmoqda. Dastlabki ma’lumotlarga ko‘ra, alpinistlarning ikki nafari Rossiya, yana ikkisi Isroil fuqarosi bo‘lgan”, — deyiladi xizmat tomonidan tarqatilgan xabarda.
Ushba tog‘i cho‘qqisiga murakkab yo‘nalish bo‘ylab ko‘tarilishni reja qilgan alpinistlar bilan 31-iyuldan beri aloqa yo‘qolgandi.