Руминиянинг Яломица уездида 79 ёшли аёл чивин чақиши туфайли юқадиган Ғарбий Нил безгагидан вафот этди. Инфекция тасдиқланганидан сўнг уездда донорлик қони йиғиштирилишига чеклов ўрнатилди, дея хабар беради «ТАСС».
«Бемор 28 июлда касалхонага комплекс патология билан ётқизилди ва орадан бир неча кун ўтиб вафот этди. Вирус чақирган менингит қария азият чеккан бошқа хасталиклар билан биргаликда организм инфекцияга қарши туролмаслигига олиб келди. Гап жиддий вазият ҳақида кетмаяпти ва аҳолида ташвишланиш учун асос йўқ», — дея таъкидлади соғлиқни сақлаш вазирлиги вакили Лауренциу Колинтиняну.
Руминияда охирги бор Ғарбий Нил безгаги вирусини юқтириш ҳолати 2015 йил октябрида қайд этилган, ўшанда Бузэу уездида икки киши касалхонага ётқизилганди.
Изоҳ (0)