Universal Mobile Systems MChJ uyali aloqa xizmatlari ko‘rsatish uchun 2029-yilga qadar amal qiladigan litsenziyaga muvofiq o‘z faoliyatini davom ettirishini ma’lum qildi. Bu haqda “Gazeta.uz” xabar bermoqda.
“Kompaniya mobil operator sifatida barcha xizmat va servislarni ko‘rsatmoqda, yangi abonentlarni tarmoqqa ulashni va amaldagi mijozlarga xizmat ko‘rsatishni amalga oshirmoqda”, — deyiladi operator saytida joylashtirilgan xabarnomada.
“Jiddiy salohiyatga ega bo‘lgan UMS barcha yo‘nalishlardagi rivojlanishning uzoq istiqbolli strategiyasi realizatsiyasini davom ettiradi, bunda barcha mijozlarining ehtiyojlarini qondirishga alohida e’tibor qaratadi”, — ta’kidlanadi xabarnomada.
4-avgust, payshanba kuni Rossiya matbuotida “MTS” kompaniyasi avgust oyining oxiriga qadar UMS muassislari qatoridan chiqishi mumkinligini xabar qilingan edi. Ushbu axborot rasmiy tasdiqqa ega emas edi.
UMS 2014-yilning 1-dekabrida O‘zbekiston hududida mobil aloqa tarmog‘i tijoriy ekspluatatsiyasini yo‘lga qo‘ygan edi. 2016-yil boshidagi holatga ko‘ra kompaniya abonentlari soni 1,095 million foydalanuvchini tashkil etdi.
Izoh (0)