Toshkent aeroportining yangi xalqaro yo‘lovchi terminali — “Toshkent-4” 336 million 443 ming dollar evaziga quriladi. Bu haqda UzReport telekanali xabar berdi.
Xabar berishlaricha, yangi terminal maydoni 87 ming kvadrat metrni tashkil etadi, u soatiga 1,5 ming, yiliga 5,7 million nafar yo‘lovchiga xizmat ko‘rsata oladi.
Telekanalning qayd etishicha, uch yil davomida qurilishi rejalashtirilayotgan yangi terminalning qush parvozi balandligidan ko‘rinishi qanotini yozgan Humo qushini yodga soladi.
“Toshkent-4”da 36 samolyot uchun perron, 1,7 ming avtomobil uchun avtoturargoh bo‘lishi ko‘zda tutilgan.
Avvalroq yangi terminalning qurilishi 2016-yildan boshlanishi, qurilish-montaj ishlari 2019-yil oxiriga qadar yakunlanishi haqida xabar berilgan edi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)