Toshkent Kichik halqa yo‘lining Sharof Rashidov ko‘chasi bilan kesishmasi yaqinidagi yo‘l o‘tkazgichga chiqish joyida suv quvuri yorildi. 4-avgust, payshanba kuni soat 12:00—12:30 oralig‘ida yuz bergan hodisa foto va videolari Telegram’dagi ommabop guruhlarda tarqalib ketgan.
Hodisa qanday yuz bergani, quvur qanday qilib yorilgani haqida aniq axborot yo‘q. Telegram foydalanuvchilari tomonidan tarqatilgan videolarda yo‘lning suv otilib chiqqan qismida katta teshik paydo bo‘lganini ko‘rish mumkin.
Hodisa natijasida kamida bitta Nexia avtomobiliga jiddiy zarar yetgan, odamlar jabrlangani haqida aniq axborot yo‘q. Quvurning yorilishi Kichik halqa yo‘li va yondosh ko‘chalardagi transport harakatiga ta’sir qilgan, tirbandliklar yuzaga kelgan.
Video
Foto
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.