O‘zbekiston viloyat markazlari va yirik shaharlari orasida 3-avgust, chorshanba kuni eng salqin havo Urganch shahrida qayd etildi. “O‘zgidromet” ma’lumotiga ko‘ra (pdf), Xorazm viloyati ma’muriy markazida maksimal havo harorati +32 darajagacha ko‘tarilgan.
Shu kuni Samarqand, Nukus shaharlarida eng yuqori havo harorati +33 darajani Guliston, Andijon, Farg‘ona shaharlarida +35 darajani, Navoiy, Buxoro, Namangan shaharlarida +36 darajani, Qarshi va Toshkent shaharlarida +37 darajani tashkil etgan.
Mamlakatning tog‘li hududlarida salqin iqlim sharoiti saqlanib qolgan — Chimyonda eng yuqori havo harorati +26 darajadan oshmagan bo‘lsa, Qamchiq dovonida maksimal harorati +22 darajani tashkil etgan.
“O‘zgidromet” ma’lumotiga ko‘ra, 3-avgust kuni O‘zbekiston hududidagi eng issiq harorat Surxondaryo viloyati ma’muriy markazi Termiz shahrida va Buxoro viloyatining Jongeldi qishlog‘ida qayd etilgan — +38 daraja.
Ma’lumot uchun, “O‘zgidromet” markazi 3-avgust kuni Xorazm viloyatida havo harorati +38 darajagacha ko‘tarilishi mumkinligi haqida axborot bergan edi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)