Buyuk Britaniya parlamenti milliarder Filipp Grinni unga avval tegishli bo‘lgan, mamlakatda miqyosi jihatidan ikkinchi o‘rinda turadigan do‘konlar tarmog‘i— BHS’ni qasddan kasodga uchratishda aybladi. Oldinroq shunga o‘xshash holat 2008-yilda, Woolworths do‘konlar tarmog‘i inqirozga yuz tutganida kuzatilgandi, deya xabar beradi “RBK”.
Parlament a’zolari Grin va boshqa shaxslar kompaniya kasodga uchrashidan boyishda ayblangan hisobotni e’lon qildi. Milliarder bu qilmishi uchun ser unvonidan mahrum etilishi mumkin.
2015-yili Grin mamlakat chakana bozorining 12 foizini nazorat qilgan, uning savdo imperiyasi miqyosi va qamrab olish ko‘lami jihatidan Buyuk Britaniyada ikkinchi o‘rinda turadi. Gringa tegishli Arcadia Group o‘ndan ortiq kiyim-kechak brendi (jumladan, Topshop va Topman), mamlakatda 2,5 ming, xorijda 500 do‘konga ega.
Forbes Grin va uning turmush o‘rtog‘i umumiy mol-mulkini 5,6 milliard dollarga baholagan va Buyuk Britaniyadagi badavlat kishilar ro‘yxatida 4-o‘ringa loyiq ko‘rgandi.
Izoh (0)