Amerikaning Atlas V eltuvchi raketasi AQSh Harbiy-kosmik razvedkasi milliy boshqarmasi sun’iy yo‘ldoshini orbitaga olib chiqdi, deb yozadi “Interfaks”. Parvoz 28-iyul kuni ertalab Floridadagi Kanaveral burnidan amalga oshirildi.
Sun‘iy yo‘ldoshning o‘zi va uning vazifasi haqida hech narsa ma’lum emas. Sun’iy yo‘ldoshni orbitaga chiqarish bo‘yicha shartnoma imzolangan United Launch Alliance xususiy aerokosmik kompaniyasi aniqlik kiritishicha, u “milliy xavfsizlik” manfaatlari yo‘lida uchirilgan.
AQSh Harbiy-kosmik razvedkasi milliy boshqarmasi 1961-yilda AQSh razvedka xizmatining “ko‘z va qulog‘i” sifatida tashkil qilingan. Kosmik maxsus xizmatlarning mavjudligi 1992-yildagina oshkor bo‘ldi.
Izoh (0)