Pedro Pablo Kuchinski Peru prezidenti vazifasiga kirishdi

Pedro Pablo Kuchinski Peru prezidenti sifatida qasamyod qildi, deb yozadi “TASS”. Marosim Kongress binosida bo‘lib o‘tdi.

Inauguratsiyada Argentina prezidenti Maurisio Makri, Chili prezidenti Mishel Bachelet, Ekvador prezidenti Rafael Korrea, Meksika prezidenti Enrike Penya Nyeto, Kolumbiya prezidenti Xuan Manuel Santos va Paragvay prezidenti Orasio Kartes ishtirok etadi.

Peruda 5-iyun kuni bo‘lib o‘tgan prezidentlik saylovlarining ikkinchi turida mamlakatning sobiq bosh vaziri Pedro Kuchinski saylovchilarning 50,12 foiz ovozini to‘plab, g‘olib bo‘lgan edi.