BMT xusiylar tomonidan Oliy siyosiy kengash tuzilishi Yaman bo‘yicha muzokaralar uchun xavf tug‘dirishini bildirdi

Shia isyonchilari — xusiylar va umumxalq kongressi (UK) tomonidan Yamanni boshqarish uchun Oliy siyosiy kengash tuzilishi haqida e’lon qilinishi Kuvaytda o‘tkazilayotgan muzokaralarning borishi uchun xavf tug‘diradi va BMT xavfsizlik kengashi rezolyutsiyasining buzilishi hisoblanadi. Bu haqda xalqaro tashkilot bosh kotibining maxsus vakili Ismoil Shayx Ahmadning matbuot xizmati ma’lum qildi, deya xabar beradi “TASS”.

“Mazkur bayonot BMT shafeligida Yamandagi mojaroni tartibga solish yuzasidan xusiylar va UK zimmasiga olgan majburiyatlarga zid hisoblanadi. Ushbu qadam siyosiy jarayon doirasidan chetga chiqish bo‘lib, Kuvaytdagi muzokaralar davomida erishilgan siljishlar uchun tahdid tug‘diradi”, — deyiladi matbuot xizmati xabarida.