102 yoshli Sun Sinlin va uning 99 yoshli rafiqasi Sun Lishi 80 yillik turmushlari davomida birinchi marta nikoh fotosessiyasiga tushishga qaror qildi. Bu haqda “Vesti.ru” xabar bermoqda.
Xitoyning Anxoy provinsiyasidan bo‘lgan juftlik 1936-yili nikohdan o‘tgan. Ularning olti farzandi, besh nabirasi va to‘rt evarasi bor. Juftlik qiyinchilik sharoitida turmush qurgan, katta oila bo‘lgani uchun keyinchalik ham o‘zlarini o‘nglolmagan. Shu sababli ular uchun fotosessiya uyushtirishni xitoylik volontyorlar zimmasiga oldi.
Tarmoq foydalanuvchilari qariyalarga salomatlik tiladi va Sun Sinlin hamda Sun Lishi ko‘rinishlaridan hayotdan mamnun ekanliklariga e’tibor qaratdi.
Izoh (0)