Yaponiyadagi hukmron Liberal-demokratik partiya bosh kotibi Sadakadzu Tanigaki velosipeddan yiqilib tushib, jiddiy jarohat oldi. Bu haqda “TASS” xabar bermoqda.
Tanigaki 16-iyul kuni Tokioning Imperator saroyi hududida sayr qilayotganda yiqilib tushgan va umurtqaning bo‘yin qismini jiddiy shikastlagan. Ayni paytda u hushiga kelgan va o‘tkazilgan operatsiyadan so‘ng kasalxonada tiklanish kursini o‘tamoqda, asoratlar esa kuzatilmadi.
Bosh kotib vazifasini bajaruvchi Xiroyuki Xosoda Tanigaki qachon ishga qaytishi mumkinligini aniq aytolmasligini bildirdi. Partiyaga raislik qiladigan Yaponiya bosh vaziri Sindzo Abe avgustda partiya rahbariyatining yangi tarkibini e’lon qilishi va unda Tanigaki bosh kotib sifatida qolishi kutilayotgandi. Endi esa uning lavozimini mamlakat tashqi ishlar vaziri Fumio Kisida egallashi mumkin.
Izoh (0)