Turkiyada harbiy to‘ntarishga urinishga aloqadorlikda gumon qilinib, 9 mingdan ortiq kishi hibsga olindi. Bu haqda Anadolu agentligi hisob-kitoblariga tayanib, “TASS” xabar bermoqda.
Qo‘lga olinganlar orasida 143 general, 3168 polkovnik va kichik zobitlik tarkibidagilar, 1181 unter-ofitser va 736 nafar harbiy o‘quv yurtlari kursanti bor. 2219 kishi oldin sud tizimida ishlagan: ulardan 348 nafari sudya va 737 nafari prokurordir.
Hibsda saqlanayotgan politsiya zobitlari soni 918 kishini tashkil etmoqda. Shuningdek, 825 nafar harbiy bo‘lmagan shaxslar, jumladan, mintaqalardagi mansabdorlar ham qo‘lga olingan. Jami tergov jarayonlarida 13 mingga yaqin odam so‘roq qilindi.
Izoh (0)